അദ്ദിക്ർ

അല്ലാഹുവിന്‍റെ 'നിഷ്പക്ഷവാന്‍' എന്ന സ്വഭാവത്തെ നിഷേധിക്കുന്ന കപടവിശ്വാസികള്‍ക്ക് ഇഹത്തില്‍ ദീര്‍ഘായുസ്സും സമ്പത്തും സന്താനങ്ങളും സംഘബലവുമെല്ലാം ധാരാളമായി നല്‍കിയിട്ടുള്ളത് അവര്‍ അവരവരുടെ കൈകള്‍ കൊണ്ട് പാപങ്ങള്‍ കൂടുതല്‍ കൂടുതല്‍ സമ്പാദിച്ച് നരകത്തിന്‍റെ അടിത്തട്ടിലേക്ക് പോകുന്നതിനുവേണ്ടിയാണ്. 3: 7 ല്‍ വിവരിച്ച പ്രകാരം നരകക്കുണ്ഠത്തിലേക്കുള്ള സിജ്ജീന്‍ പട്ടികയിലുള്ള ഫുജ്ജാറുകള്‍ തന്നെയാണ് യഥാര്‍ത്ഥ കാഫിറുകളെന്നും അവര്‍ക്ക് ഹീനമായ ശിക്ഷ ഒരുക്കിവെച്ചിട്ടുണ്ടെന്നും 4: 150-151 സൂക്തങ്ങളില്‍ പറഞ്ഞിട്ടുണ്ട്. സത്യമായ അദ്ദിക്റിനെ തള്ളിപ്പറഞ്ഞുകൊണ്ട് ആത്മാവിനെ പരിഗണിക്കാതെ ഐഹികജീവിതത്തിന് പ്രാധാന്യം കൊടുക്കുന്ന തെമ്മാടികളായ കപടവിശ്വാസികളും അവരുടെ അനുയായികളും വധിക്കപ്പെട്ടവരാണ്. അവരുടെ എല്ലാ പ്രവൃത്തികളും നിഷ്ഫലമാണെന്നും അവരുടെ പ്രവൃത്തികള്‍ക്ക് പിഴയായി അവര്‍ക്ക് നരകക്കുണ്ഠമാണ് ലഭിക്കുക എന്നും 9: 53-55, 67-68; 25: 33-34, 65-66 സൂക്തങ്ങളില്‍ പറഞ്ഞിട്ടുണ്ട്. 1: 7; 2: 96, 254, 286; 3: 116; 17: 64 വിശദീകരണം നോക്കുക.